Sjlach 'm nog maar neet

Artiest: 
Arnold Wassen
Plaats: 
Roermond

Refrein:
Sjlach 'm nog maar neet, hae vrit nog.
Sjlach 'm nog maar neet, hae sjtörf nog van de dors.
Sjlach 'm nog maar neet, hae vrit nog.
Jao det verke is te good veur in de wors.

Eine sjlechter kwaam ins biej ein boerderieke langs.
Hae zoog ein zeug en dach det waerd veur mich eine gooje vangs.
Zo'n prachtig verke höb ich lang neet meer gezeen.
Det is zo vet, det bees geit biejnao door de kneen.
Hae zag, boerin ich gaef uch minstens eine halbe piek,
mer per kilo as die heere van 't worsfabriek.
Maar die boerin zag, sjlechter loester ins nao mich,
det prachtig bees waerd nooi van dich.
Dus sjlechter doe höbs pech, want dit mein ich ech.

Vader Abraham waas mit de zeuns op sjtap gewaes.
Det is gein kleinigheid veural as se d'r zeve haes.
Ze zachte, pap, veer wille neet det geer betaald.
't Is einen gooe pap dae op zien jonges sjtaalt.
'n Pliesieböske brach d'r ach oet ein gezin nao hoes.
Mooder sjting al aan de deur mit ein gebalde voes.
Ze waas geweldig kwaod, en zeve keer zag ze, zoon,
wat mot ich mit dien vader doon?
Die zagte, neet getreurd, waat d'r auch gebeurt.