Sjtraks wuürt wir gebeld, den is 't fiës gedaon.
't Viltje wuürt geteld, idderein môt gaon.
Gauw 't lètste glaeske, eine nag toét besjloët,
den klink 'Auf Wiederseh'n' en gaon de lampe oët.

Refrein:
De lètste nuüutjes, den môtte weej nao hoës,
nag 'n paar minuutjes, den zitte weej wir thoës.
Weej haole de jas oët de garderobe en loupe richting deur.
't Gewoëne laeve begint wir, d'n alledaagse sjleur.

Zien weej den wir thoës met ôs twiëje op de bank,
praote weej nag nao, mei waal oore langk.
As weej den zoë zitte, kômme de traönkes op.
Dae 'n bônkte karavaan sjteit vur 'n gans jaor sjtop.