Sjloete

Tekst: 
T. Nizet
Muziek: 
J. Douven - Unne vlinder in de kop
Artiest: 
Leste Aom
Album: 
Ongeluifelik
Plaats: 
Roermond

De tap geit toe, 't leech geit oet, veer zinge same toet besjloet.
Veer gaon toch nog neet sjlaope.
Veer ware hiej mit vaol plezeer, en morge zeen veer d'r alweer,
dan is dees tent weer aope.
De sjleutel geit weer in 't gaatj, jao beste miense 't is al laat,
't mot d'r ins van komme.
De deur diej geit hiej oppe knip, noe trek maar neet zo mit diej lip.
Allebennaor en noe toet zeens!!!

Veer zote same aan de tap, och kiendj waat geit de tied toch rap.
Ich vroog rondj teen oer geis'se mit? Kiek wo ich veer oer later zit.
Ich hat 't mich angers veurgesjtelt. Dao heur, de kastelein hae belt.
De letste waerd besjtelt!!!

De kastelein zaet; gaot nao hoes, de grootste zoepert maak ein voes.
't Is veurbiej, 't is nao 3, de miense gaon dan ziej aan ziej.
De taxi's waere noe gebelt, de kelner telt zien fooiegeldj.
De letste waerd besjtelt!!!