Dao höbste Gil en Frens en Truu,
mit 'nne monika en 'nne parapluu.
Dao höbste de Pottentaote weer.
't Zin de luu van sjpas en van plezeer.
Allemaol gaon veer drie daag op jats,
mit e maske en 'n boerepatsj.
De zörg, die gaon dan in de kas.
V'r laeve dan allein mer veur de sjpas.

Refrein :
Vastelaovend, vastelaovend, laot ós boemele gaon.
Vastelaovend, vastelaovend, laot ós wieër gaon.
Laot ós sjprènge, laot ós zénge, sjöt nog mer 'ns in.
Drèngk e pilske of wat wilste, 't is ós alles nao de zin.