wits doe al wienee veer weier de sjtraot op gaon? 
sjus wie toen er neit van ós te winne waar 
toen veer moosjte lache in de klas
óm alles wat de meister ós haw gezag 
wienee laote veer get van ós heure?

wienee is 't èntjelik genóg gewaes? 
of laote veer alles geweun zo wie het is? 
wo is ós fatsoen dan gebleve?
is alles door de jaore oetgewis? 
wienee dènke veer nog waal eens nao?

of is 't ze gelök dan?
óm ós sjtil te kriege
höbbe ze hun zin dan oetèntjelik gehad?
es dat zo is dan
kén ich baeter sjwiege
dan weit ich haos waal zeker dat nemes loestere zal

wie lang loupe veer nog achter minsje aan? 
die meine dat ze alles baeter weite
en wie lang doert 't nog veur dat de zon weier sjient? 
en dat veer alles klaorer kénne zeen
wienee sjpanne veer nog es same?

of is 't ze gelök dan?
óm ós sjtil te kriege
höbbe ze hun zin dan oetèntjelik gehad?
es dat zo is dan
kén ich baeter sjwiege
dan weit ich haos waal zeker dat nemes loestere zal

en es ich in de auge van mien kènjer kiek 
dan wil ich dat hun onsjuld bliev bewaard 
dan wil ich dat ze veur altied onsjterfelik zeen 
sjus wie ich ooit waar

ich höb meer jaore achter mich dan nog te gaon 
dus sjnel een bietje want sjtraks is 't te laat
of is 't ze gelök dan?
óm dich sjtil te kriege
höbbe ze hun zin dan oetèntjelik gehad? es dat zo is dan
kén ich baeter sjwiege

dan weit ich haos waal zeker 
dan weit ich bienao 
zeker dat nemes loestere zal