Sjuuf, dao kumpt sjuulder

Tekst: 
Erwin Lennarts & Huub Heijnens
Muziek: 
Erwin Lennarts & Huub Heijnens
Artiest: 
De Mergelblök
Album: 
Diverse artiesten - 'Karneval in os Mergelland 2004'
Plaats: 
Scheulder

Refrein:
Sjuuf, dao kumpt Sjuulder aan d'r kant
De jongens en de maedjes oet 't Moelemaekersj-land
De kins d'r neet omheen,
Want ze zeen alweer op waeg
Oet d'r Gerendalsewaeg,
De Durpstraot of de Sjtaeg

D'r raod altied van illef
Dae steit wer hiel sjoen d'r op
Hofnar, prins, minister
Die goon alweer veurop
En dan die marketentsters
Die sjudde dich eint in
Zoe veert me vastelaovend
Mit sjpass en heel gooj zin

Och boete hun klein durpke
Dan zuus te ze weer goon
Zie kinne dan och nurges
Lang stil blieve stoon
Kump eine polonaise
Dan goon ze altied mit
Eine echte Moelemaeker
Dae geit pas laat nao bid