Maan, dae keek tevreeje nao ziene sjoene rink.
Dae waas vur zien broed, un hiel aardig kink.
Al waas ut in de onecht, wat makte hum det now,
hea kreeg now toch un vrouw.
Mer wie ut dan echt mos gebeure,
waas zien bruudje nurgens te bespeure.

Refrein:
Sodeju, waem is dur mit mien broed tussenoeht?
Mien sjoen boerebroed, mit die leeve snoeht.
Sodeju, zek mich ins waem flikt mich det?
Geluif mich, now zweit d'r get.
Now kin ich vandaag nag neet trouwe.
Waem det gedaon heet, dae zal det berouwe.
Sodeju, waem is d'r mit mien broed tussenoeht,
waem belazert heij de kloeht?

Waor zoei zie toch zitte? Hea waas ten einde raod.
Ach erm, ozze maan, heij hae ut zoe kwaod.
Mer toen kwaam gelukkig, wie in un sprookjesbook,
zien bruudje um de hook.
Zie waas door de man thoes gehaoje,
en de reeje waarum lut zich raoje.