Klasjinere, overdrieve, lege en stoefte
gelach, gelul en veul gesjoep
Somers op de stoep - somers

De telefoon hej noch mer drej siefers toen,
en idderein hej werk -
Vennel waar al wiet, geswieges van Remung
en veur in de straot stong 'n donkere kerk

Werke en zweite - lang zomerdaag
saoves nao boete, drej hoefijzers -beugeldop
Minse bleve plekke, duk tot deep in de nacht,
want der waas wel teevee, mer der waar noch niks op ,
der waas wel teevee -

Klasjienere - overdrieve - lege en stoefte
Gelach , gelul en veul gesjoep
Somers op de stoep - somers

Wae hinge boven oet de raam
um mer niks te hove misse
Ins dao te zitte waar mien grotste wins -
grazen en greke - moeken en preke
Volges Radio Luxemburg kwaam Elvis oet dins -
Radio Luxemburg

Met de tuinders nao de veiling - wachten en bale
of met Roetje nao de miene - stoflonge hale

Somers op de stoep.

Idderen tied heet zien veur en tege , zei de filosoof
Det heb ich auch gesjreve toen aan Coen Moulijn
Wie ich nog un jungske waar, van 'n jaor of zeve
Toen kwame de probleme nog ein vur ein
Toen kwame de probleme ..
ein vur ein