Soms vêltj ut tieënge !

Tekst: 
Paul Smeets
Muziek: 
Paul Smeets
Artiest: 
Kinderkoor Basisschool St. Jozef Thorn & Prinsenkapel Koninklijke Harmonie Thorn
Album: 
Basissjoeal Thoear - 'Waat dachse ...' - LSMP2000-01
Plaats: 
Thorn

Refrein:
Sôms vêltj ut tieënge, en sôms auch vêltj ut mêt.
's Aoves neet in slaop en kumpse 's mörges neet oet bêd.
Höbs se waal ins mazzel, en dêks auch höbs se pech.
Mer mêt vastelaovendtj wêije alle zörge weg,
mer mêt vastelaovendtj wêije alle zörge weg.
la- la- la- la- la- la- la- la- la.

Mien vader en mien mooder die ginge nao de lês.
Ze wôlle danse lieëre mer det ging neet bêst.
Al bie d'n ieërste tango sjoeat mien vader oet.
Mien mooder vloeag toen mèt unne salto door un groeate roet.
Want...................

De meister van groep zeve spuëltj in de loeaterie,
mêt eeder sjiet klein prieske is dae mins hieël blie.
Mer net vuër vastelaovendtj wôn hae de groeate pot.
Hae zag: noe geit vanaaf vandaag de sjoeal un waek op slot.
Want...................

Wie ich waas geboeare, mien vader nao mich keek,
toen zaag dae aan mien oeare op waem ich waal leek.
Hae zag: begrieptj mich eemes, hievan snap ich gein bal.
Dae jong dae liektj op neemes, och dit is un raar geval.
Want.................