Stilte Veur de Storm
Refrein :
Dit is de stilte, veur de storm, Limburg makt lawaai, Limburg kumt in vorm
Dit is de stilte, veur de storm, want zoegauw ut straks wir moog, is fiëste heij de norm
Wae zitte te aze, tot det ut geit raze, en dan huffe wae de glaze
Dit is de stilte veur de storm, Limburg geit wir laeve, Limburg kumt in vorm
Couplet 1:
Ut is kaod en stil, de kroege zien leeg
Doe huurs blaedjes valle op ut graas
Ut vult get kil, mer wae zien ongerweeg
Ut laeve wurt de stilte straks de baas
Wae zitte te smachte, en kinne neet wachte op dees vlaag vol goije zin
Een vierusvrej briesje wurd groëter en sjoener en blaost Limburg laeve in
Couplet 2:
Niks te doon in de buurt, de pleine zien kil
D´r is gin kleur, ut vult veur os neet fijn
Mer wat nog kumt, det makt ut versjil
Aafstand makt straks plaats veur doën bejein
Wae zitte te snakke, um door te gaon zakke , weije mit zoegauw ut kin
Op dit vierusvrej briesje det ut laeve betoverd en ut wervelt goije zin
Brök:
En as ut mot blieve wae wachte, een waek, een mand, een jaor
Mer as de vastelaoves storm oetbraekt, zien wae d’r gans veur klaor