Inne stad loog unne wînkel vreej. Vroog aan Verheul waat deut de heur noow heej.
Zegktj mich us waat mojjae daovör beure, want as 't kân, wil ich 't hieël gaer heure.
Inne stad loog 'ne wînkel vreej, en ich waas d'r weer as ieërste beej.
Dao heb ich noow mien eige zaak, daorum det ich daovör reklame maak.

Refrein:
Want ich verkoup schaele zeîver, ich verkoup gekke kâl.
Verkoup stomme knauwel en det doon ich oeëverâl.
Paktj uch 'n ker in miêne winkel en laatj di-j dan mer goot vôl.
De priêze valle mej en gae kriegtj de groeëtste lôl.

Bekindje Wieërter zeen heej vaste klânt. Ze staon noeëts met de moel vôl tang, des interessânt.
Lellebel di-j keumptj heej alle waeke, en 'ne-n-ângere gooje klânt det es d'n Daeke.
Bekindje Wieërter zeen heej vaste klânt, mer auch ânger, jao uut hieël 't lânt.
Bin de einigste met zoeë 'n zaak. Heb zelfs e pasje vör betaalgemak.

Refrein

En straks dan haoj ich uutverkoup, goes alles op 'ne groeëten houp.
Dan zeen ich eederein weer graje um eur tasse vôl te laje.
'Twieë hale, dri-j betale'.

Mot ich ut inpakke of neemdje ut zoeë mêt ?