'T Chareltje gong mit de vasteloavend, ummer giddes wieetschaf aaf
giddere murge, giddere middig, giddere oavend kroogste um nit van d'r
dansvloer aaf
Vuur 't Chareltje koeët 't nit gek genog ziee
hea broezet durch d'r zaal wie inge gek
mer gisteroavend dat verges ich noeëts mieë
sjtong hea keakend in d'r eck

Refrein:
Wea hat mich onger 't danse op de tsiene gestange
ooh wat deed dat pieng
Wuer ich doch geweun aan de tieëk blieve hange bij d'r
Joep en bij ut Fieng
Wea hat mich onger 't danse op de tsiene gestange
Wea hat dat gedoa
noe mot ich de ganse vasteloavend aan de kant blieve sjtoa

'T Chareltje dat woar gans oes 't hüske
koam nit in zie element
koeët nit danse koeët nit sjpringe, bloof mer zitse
en dat woar hea garoes nit gewent
Hea zitst doa noe de ganse vasteloavend
tse kieke mit ing puutsch bis op geneat
en ummer went de polonaise langskunt
dan huer ich wat d'r Charel zeat