Ik laag op enne hette dag al niksend op 't strand,
bieëstig hard te zwieëte en rakte àngebrand.
Urst haaj ik niks ien de gate, umdat ik zô stillekes laag,
mar toen ik op de bieën wer stoond, wis ik echt nie wat ik zaag.

Refrein:
Is 't en tuupke of en reundje of en bölleke wat ik zie ?
Daor tusse die twieë striepkes, zeker wieëte doei ik ik 't nie.
As geej meej kunt vertelle wat daor schiemert ien dat licht,
help meej dan ens iefkes, went ik heb genne maèter zicht.

Verschien os vastelaoveskrant, begint wer mien geplaar,
al spraèk ik jaore dialect, 't blieft schravele mit die blaar.
Went wat daor ien geschreve stöt, duut maèj an ow oeëge pien,
daor werde zô dol van as 'n kiep, kriegde sterrekes te zien.

D'n ganse vastelaovestied zie ik drie lang daag op sjouw,
umdat d'r veul te doen is, daorum blief ik steeds ien touw.
Mar hang ik ien de vruugte uut te räöste an d'n tap,
dan zie ik dinge um meej hin waor ik hieëlemaol niks van snap.