Mien ome Ties dae gooie sies,
dae had 't toch zoë zwaor.
Dae had zo'n pien, waat zoel 't zien ?
Jao, jao des ierlik waor.
D'n dokter zoog wao det aan loog,
en goof um toen ein fles.
Now haet daen Ties, ein jaor precies,
die fles al in de tes.

Refrein:
Waat zoel d'r in det fleske zitte,
waat zoel d'r in det kruukske zien.
Kônjak of roeije wien of witte,
of zoel 't alde klaore zien ?

Maar tante Mie, die waas neet blie,
die vond 't waal verdach,
en zag, woavan is miene man,
zoë joeksig daag en nach.
En Mieke zoog, wao det aan loog,
en zôch in al zien jes.
En now maar gauw, zag toen zien vrouw,
die fles hej oêt de tes !