't hinnehok
Veer hadde lest e' feeske in de hinnestal.
Merie, die howde stevig op de sambabal.
E' feeske laog us al jaore op de maog,
daorum höbbe veer de hinne droet gejaog.
Refrein:
Kom rock, achter in 't hinnehok.
Ederein, dee danste de rock, achter in 't hinnehok.
Sjele Nelis blaosde op zien sjuiftromboon.
Op eine kier, toen rinkelde d'n télefoon.
De bure zaote met hun han al in 't haor,
Veer höbbe toen gezag dat heij e' feeske waor.
Tante Nel, die zag toen tege Noonk Lewie:
' 't Begint miech al te dreije, nein, iech hoof niks mie'.
Lewie, dee zag: 'Kom noe toch eve heij beij miech,
daan dans iech evekes de rock met diech'.
Ome Sjarel, dee waor ouch neet veur de poes,
en zwingede toens 'ns evekes met Tante Loes.
Nao e' tiedsje waore zie toen oetgedreijt.
Heer zag: 'Sjei oet, de höbs miech noe genog begeijt.
De luij, die kome luustere nao us gekweek.
De kos us ouch al hure in de ganse streek.
Ze zagte: 'Leve God nei, dat is toch niks'.
Mèr veer höbbe dat toch wel eve good gefiks.