Refrein:
Kumpstiech mèt Karneval neet bove water,
kin miech dat gaar niks sjele.
Klaogstiech daan naoderhand euver dee kater,
kin iech dat hiel good fele.
Zoelang estiech mer neet vergete bis,
wee diene allerleefste gouwe is.
Want nao dee Karneval, dat sprik veur ziech,
is 't lèste muilke toch veur miech!!!

Mèt Vastelaovend is mie vruike drei daog laank vermis.
Geine mins kin miech vertèlle boe zie is.
'ne Slippejas vaan ampa, dao-oonder e kórset.
't Kalbeske vaan mien ama, dat nump zie altied mèt.
Meh kump 't Mooswief daan umlieg,
is dee sjattepoemel weer vaan miech...!!!