Refrein:
Luuj, d'n oetsjlaag van d'n optoch kump get later,
want v'r mótte effe wachte op de gater.
Effe wachte nog... dat mót toch kinne,
want 't lètste laok is nog neet binne.
Luuj, d'n oetsjlaag van d'n optoch kump get later,
want v'r mótte effe wachte op de gater.
Kom, houd uch allenei get aan de praot,
Want 't lètste laok löp nog op sjtraot.

D'n optoch bleef mer doere, dae trok zich väöl te lank.
Dat loog aan alle laoker, die kaome neet op gank.
't Lètste laok dat sjting mer te dreije in de boch,
en wie 't dao veurbie waor sjpronge v'r gater in de loch.
't Saoves veur d'n oetsjlaag höb v'r oerelang gewach,
meh toen klonk 't verlossend woord, de president dae zag:

Ich bin mer oetgegange, ich mós 'ns op de loch.
In alle heuk en gater höb ich nao dat laok gezoch.
Dao kins te dich mit kölle, zoa'n gaat dat is gewieks,
en es te 't te pakke höbs dan is 't drie kièr nieks.
Meh wie ich weer nao binne gong, de zaal waor aan de kaok.
Die houwe 't gehad van al 't wachte op dat laok.