Weurt diech ut leve soms get zwoer, en welste weg oet dien kentoer,
daan kinste goon loere nao ut Merretkoer.
Drink diech met us e gleeske beer, en dink allein meh aon plezeer,
daan weurt ut veur diech vendaog ut sjoenste weer.
Noe pak uuch allemaol ins beij de hand,
en spring met us ins lekker oet de band.

Refrein:
Want 't leve is e fees ('t leve is e fees).
't Is veur us e groet genot ('t is e groet genot).
De luij zien good veur us gewees (zie zien good veur us gewees).
Veer kinne gaaaaaaaaaaaar neet mie kepot.
Veer höbbe ouch verdreet gehad (veer höbbe verdreet gehad).
D'n tied dee is soms hel gewees ('t is soms hel gewees).
De zörreg zien opzeij gezat (ze zien opzeij gezat).
Want 't leeeeeeeeeeeve is e fees

Hobs diech de ganse week al pech, en veult d'n vruike ziech zoe slech,
daan book ins un reiske en gaank lekker weg.
Geer loup daan same hand in hand, en legk uuch eve op het strand,
daan kinste genete in ut werme zand.
De vins ut daan gezellig en zoe fein,
en reups daan nao de luij: noe eederein !