D’r miensj wilt alles plenne, van de weeg bis in ’t graaf
Mé dat wilt nit ummer floepe, döks hingt ’t d’r mer vanaaf

Refrein:
Ja, ’t lup zoe-wie ’t lup
En ’t geet zoe-wie ’t geet
Sjei oet mit prakkezere, dat hat ja ginne zin
Want ’t geet zoe-wie ’t geet
Ja, ’t lup zoe-wie ’t lup
En ’t geet zoe-wie ’t geet
Sjei oet mit prakkezere, dat hat ja ginne zin
Want ’t geet zoe-wie ’t geet

Um zes oer geet d’r wekker, da zunt vier werm present
De poete oet d’r püs en da wer sjpouwe wie gewennt
Sjummel op ‘t broeëd, de letste sjink geet langs dieng naas
Boete is ’t duuster en doe mos wer noa d’r baas

Eemoal óngerweëgs, da kump d’r nieëgste sjtress
Ee sjtöndje in de fiele, noe lek mich tog in tesj
Gefoeter en gerauwel, vöal gezever um dich hin
D’r daag is juus begonne en doe zits d’r al durchhin

Doe wirks dich durch de mail hin, d’r kloemel hingt werm vas
Inne breef nit opgesjlage, dieng collega’s höbbe sjpas
D’r sjtapel bliet mer gruije, doe wirks dich oet de nöad
Get wiechtigs te vertelle me doe kumps nit oet de wöad