Refrein:
'T is neet te filleme, dit plek neet op pepier, dit is neet veur te sjtelle,
't is neet te geluive, es'te hie neet bès geweis, dit kins'te geine minsj
vertelle.
Wat hie in Limburg eeder jaor gebeurt, dat is gewoonweg te gek veur weurt.
'T is neet te filleme, dat sjpèilt auch gaar gein rol,
Want eederein sjut toch zien eige rölke vol !!

De vastenaovesvlam sjleit in de pan, es die gekke daag weer goon beginne.
Wat ein gelök, wat eine mazzel, wat geneete veer devan,
dit kins'te neet verzinne.
Jao eeder jaor dan kriege veer dit sjpits,
En wurt d´r weer zwa'n rölke vol geflits!
De vastenaovestied dei is zwa sjiek,
dus zingk de ganse kliek...

Alles is noe andersj es normaal, drie daag lank zin veer noe neet te redde.
'T is weer fjiès, 't is weer lache en 't is weer veul kabaal,
dao dörf ich veur te wedde.
En kik'ste op eschgoonsdig nog ins trök,
Dan zuus'te dat dao niks van is mislök!
De vastenaovestied dei is zwa sjiek.
dus zingk de ganse kliek...