Es 'ns iemes zoonder ummer en water op e lèdderke steit,
daan mooste mer dinke tot 't neet um de glazewasser geit.
Sleet d'n vinster en dure mer good, doog 't rolluik umlieg,
want veur tot ste 't wèts, loert 'ne vreemde diech in 't geziech.

Meh 't is neet zoe erreg es e glaas zoonder beer,
e graasveld vol klaver, meh gein inkel vaan veer.
'ne Poen zoonder leefde, de trejs in de poep,
'ne lekkere pannekook, meh zoonder sjroep.

Op 'nen daag steit 't hoes oonder water, de kraon waor kepot.
de beets in 'nen appel, vaan binne waor heer hartstikke rot.
De spróngs op de fiets en d'n ben stoonte alletwie plat.
De geis daan te voot, 't regent, de höbs alles gehad.