Ze woënde in e vakwekhuuske,
Gans opgebouwd va hout en leem
‘t Woar waal nit zoë iéwigs groët
Mè och, ze veulde zich doa heem

De keenger woare al de duur oet
Klingkeenger zurgde vuur gelach
Mè deks da gong ‘t uever vreuger
En wat de mam doe ummer zach

't Is nog noëts, nog noëts zoë donker geweës
Of 't weëd ummer waal wer leeg

Mit honder, verkes en get kui
Hou wirke ‘t leëve in d'r greep
D'r pap deë makde gans lang daag
En de mam die zurgde dat alles leep

En es e ‘s oaves laat dan toes koam
Bie mam en keenger in de boet
Da sjtreek ze ‘m ‘ns durch de hoare
En zong dan zachjes vuur zich oet

refrein

Tot inne zondaag in December
Ze woëte langzaam toch waal oud
En zoote saame op de bank
Opins doa woëd ‘t 'm benauwd

D'r daag doanoa is heë gesjtorve
En zie, zie wool geër bei 'm ziè
De keenger woole heur doe truëste
Mè och, dat hoofde aal nit mië

refrein

Noe ligke ze saame op d'r kirkhof
E kruutsbild dat hilt trui de wach
De keenger kalle uëver vreuger
En wat de mam doe ummer zach

refrein