Refrein:
Dat is 't Nudelholz-Marie
Va biej os oet de kolonie
Sapperloet zals te ze höbbe
Kinger-leef 't gaet weer sjtöbbe
Dat is 't Nudelholz-Marie
Va biej os oet de kolonie
Paaft die d'r weer flink op los
Geleuif gerust, da bis doe de klos

Biej os dao in de naobersjaft ,dao woent ein Duutsje tant
Waal hongerdvieftig kilo zjwaor ,die sjtaet alum bekant
En kump häör Joep weer vol nao heem en dat kump dikser vuer
Da sjtaet ze mit d'r daegrol klaor te wachte aa de duur

D'r Joep vierde zien namesdaag ,Marie die sjloog op hol
Bis middigs nao de kaffe toe ,wat waor 't menke vol
Ze klopde 'm d'r mantel aaf ondanks häör sjlechte zin
Allein d'r kleinge Joepeman,dae zoot d'r waal nog in

Leef luuj mit gans de kolonie ,haet die noe richtig sjtriet
Want haolt die mit dae daegrol oet,bis doe 'n tändje kwiet
Ze vaegt zich mit 't ganse durp vuer blage,hin en hung
En ginne miensj kump nog biej häör,ze haet ouch gaar gein vrung