'n Teke van geluk
't kint noe neet op
Unne twieling geboare
Dat is dubbelop
Groeët is de vreugde
De ouwersj zunt bliej
't Produk van hun leefde
twie beebies d'r bie

De pap is zoe trots
Hae lup naeve de sjoon
De man deenkt noe is 't
Mit de rust gedoon
De oma vrugt zich aaf
Wie of zoe get greujt
En de ganse familie
Waor zoe benuujt

Maonde lang motte wachte
De mam hou pieng aan d'r rugk
Mer toen kwaom de geboorte
En twie kier kwaom 't geluk