Refrein:
Trik ut blik noe mer weer aope, mit vastelaovend in Gebrook.
Dan hoove vieer neet lang te haope, want ut recept is ouwe kook.
Drie daag lang gont v'r geneete, v'r sjmiete os weer eens d'r doer.
Alle zörg laote vieer sjeete, v'r gont weer drie daag doer een moer.

Zit d'r top noe mer in de kas, driee ut pitje noe mer oet.
Want ut waerd weer tied vuur sjpass, kom dus flot noe oet die boet.
Joa, d'r tied is noe weer doe, ut ganse joar woare v'r braaf.
Kom os noe dus achternao, en roop ,,Gebrook Alaaf''.

In os Gebrook is gans get oet, begin dus mer te prakkezere.
Blief dus neet sjtaon achter die roet, mer kom dich boete amuzere.
Joa, d'r inhoud dae is aanwezig, ut recept is carneval.
V'r zint noe weer drie daag bezig, dat huurste euveral.