Roddelleed

Refrein:
Loat de luuj mer lekker kalle
Euver wat r goande is
Euver alleneij probleme
Euver krankheed en gemis
Euver geldj en de benzienpries
Euver kirk en de mis
Mer mit vasteloavend
Weet v’r dat ’t drie daag euver is.

Couplet:
Hubs dich ’t al gehuurd?
Van dea keal hie oet de buurt,
Dea erme miensj heat ginne roeje oppe bank
En dan dat vruijke oppe flat
Ocherm heat ooch ummer get
Die is toch noe al zieker zieve weake krank

Ich weet ’t zieker
‘ch hub ’t van hure zèkge
Nea, nea, nea, nea, doe hoofs nieks oet te lègke.

Couplet:
Noe hub ich get gehuurd
Dit is ech te gek vuur wuurd
Die bie os neave hat d’r keal d’roet gezat
En dan die dochter van mien nich
Noe ich zoe kiek, die liek op dich
Die heat een facelift en ich weet neet wat gehad

Ich weet ’t zieker
‘ch hub ’t van hure zèkge
Nea, nea, nea, nea, doe hoofs nieks oet te lègke.

Brögk:
Dus sjnap uch effe lekker vas
noe gene sjtomme kal
verkoop dea mer t ganse joar,
mer neet mit karneval