* Soliste: Vilma Houba, Bert Wilbers - koor: De Kuumers

Doézend en ein verhaole waere al ieüwe vertèld.
Doézend en ein verhaole, die idderein altiëd ônthèld.
Maar ein verhaol, dèt zègk ich dich, besjteit auch in 't èch.
Weej kômme same, dôw en ich, in dèt verhaol terèch !

Refrein:
Zal dit vúr ôs mesjién 't begin kènne zien,
van ein nièj verhaol, nag ônbekend ?
Waere beej sjterre-prach ôs hèrtjes beej-ein gebrach,
dèn kriég d'n daag vandaag vúr ôs 'n 'happy end' !
Zal sjtraks beej vôlle maon, dae wins in vervulling gaon,
dèn is pas èch vúr ôs 'n sjprookje begôs !
En is dit vúr ôs besjlis, nag vúr dèt 't môrge is,
't sjoënste verhaol van allemaol !

Zeen ich dién wange kleur, zeen ich dién sjtraolend gezich,
dingk ich: nôw geit gebeure, wat ik hèb gedruimp euver dich !
Want ein druim, dèt zègk ich dich, kump oët, jao, dae wuürt èch !
Weej kómme same, dôw en ich, nôw in daen druim terèch !