Wèke hebbe weej gebowd
En de vetbak stónd wer ôp 't vuur
Iezer en ok hólt gesjowd
Frikkedelle braoje ien de schuur
Al vruust 't buute dat 't krakt
De wage wier toch ãltied moi gemakt
Mit tussedör 'n fleske bier
Of waren 't d'r toch wer vier

Refrein:
Ik krieg de sleutel nie mer ien 't getje
En vraog meej af of ik hier wel mot zien
Stoi dor te plare ôp mien cocosmetje
Hoe kan dat now, heej göt d'r nie mer ien
Wat vuul dat ik begin te zwieëte
ik haop dat niemand meej hier zuut
En zuj ze gèr 's wille wieëte
Worrum dat ding 't Nie mer duut
Ik krieg de sleutel nie mer ien 't getje
Ik bin vergète hoe dat ok wer göt
Duuj ien mien eige gauw 'n schietgebedje
Ik wil d'r ien, Ik mot nor bed...

's Zôndags wer vroeg uut de nèst
Meens wat is den wage toch wer moi
Iederieën den duut zien bèst
En de pekskes zitte ien de ploi
Weej hebbe dan de grötste lol
De vastenaovend slöt ien oonze bol
Mar 's naachs dan kriegde toch die pien
Dan göt dat ding d'r wèr nie ien...