Bie ós in de femilie, dao zeen ze muzikaal,
mer es veer repetere, geuf dat 'n helsj kabaal.
De mam, die trèk de monika, de pap huijt dikke tróm,
os Truu roffelt `t trummelke, dao geit `t beer van óm

Tant Bertha bleus de tuba, nónk Sjang de sjuuftromboon,
en dao dae clown op saxefoon, dat is mien breurke Toon.
Mer wo veer allemaol greuètsj op zeen, dat is ós leef Jeannet,
die sjettert en die tettert ummer op häör klein trompet
(Tetetetetetetetet!)

Refrein:
`t Trompetje van Jeannetje, dat heuèrste euv'ral baoven oet.
Es zie op häör trompetje toet, dan is d'r sjtömming in de boet
`t Trompetje van Jeannetje, dat maak de ganse waereld bliej.
Jao, ze bleus ein prach partie, op häör trompet, zoa is ós Jeannet.

Alaaf veur ós Jeannetje, zie barsj van energie.
Meziek en vastelaovend, die gaon häör aan de priej.
En bläörkes van `t blaoze, dat heuèrt geweun d'rbiej.
Laot ós Jeannet mer raoze, noe heuèr `ns nóndepie.
(Tetetetetetetetet!)