‘t Is zoaterdigoavend, 't twiëde perron
Zie meëdje dat sjteet al te wachte
‘t Is waal erg koud, mè ‘t veult zich zoë werm
D'r trein kumt efkes uever achte

Tussje Wiërt en Remung doa zuut 'e zichzelf
In ‘t raam van d'r trein zuut ‘e gans wit
Get sjpui op zieng hoar en heë dinkt aan heur wuëd
Ich rees in gedachte mit dich mit

Um twintig vuur nuëge kumt eindelik d'r trein
D'r luidsjpreëker zeët get berichte
Ze loope ‘t perron aaf, de nacht is nog jonk
En uëveral blieje gezichte

D'r zondig vluugt um en t is al wer laat
Ze sjtond zich op ’t perron te beminne
Ze kruupt teëge ‘m aa en heë hilt zich sjtoer
Mè griene ech gans deep van binne

Tussje Remung en Wiërt doa zuut e zichzelf
In ‘t raam van d'r trein zuut ‘e gans wit
Get sjpui op zieng hoar en heë dinkt aan heur wuëd
Ich rees in gedachte mit dich mit

Um tién uëêver nuëge dan geet inne trein
D'r luidsjpreëker kraakt get berichte
Ze lupt van t perron aaf en rilt van de kou
En uëveral sombere gezichte

Ze zint al getrouwd en ze zint wer oet ee
En hant zoë hun eege gedachte
En zoaterdigoavend op 't twiède perron
Doa sjtond al wer angere te wachte

Heë is op zichzelf en redt zich toch waal
Mè echt good, dat is inne luëge
‘t Is zoaterdigoavend en heë lupt noa 't sjtation
En de klok zeët: twintig vuer nuëge

Um twintig vuer nuëge, ja dan kumt inne trein
D'r luidsjpreëker brult get berichte
Heë lupt 't perron aaf en rilt van de kou
En uëveral sombere gezichte