Veer höbbe sjpas, 't kump ós van pas,
want veer viere Karneval.
Weg mit de zörg, de prins dae blif börg,
dat het feës noe sjlage zal.
Wauwel dich neer, maak väöl plezeer,
en verkaup mer gekke kal,
Want de ellef dat is noe 't getal.
't is Karneval.

Refrein:
't Is Vastelaovend in Gelaen,
en dan kómme alle Flaarisse.
Mit hun bóntje mötsje op,
en get naats onger de sjtop.
Ze lache en ze sjprènge,
zètte alles op de kop.
't Is Vastelaovend in Gelaen,
En de prins regeert noe gans allein.
Mit ziene raod van ellef Flaarisse,
Alaaf Gelaen.

Veer ruuke de koel, zeen zjwart om de moel,
mèr veer höbbe Karneval.
Euveral sjtöp, wo me auch löp,
Gelaen, dat is ein gek geval.
Kómp jónk en auwt, zeet neet benauwd,
gaot noe nao het Flaarisbal.
Want Gelaen dat zunk noe euveral,
't is Karneval!!