Refrein:
Vaan fiedele-ra-la-la
Vaan fiedele-ra-la-la
Want 'ne profeet dee heet veurspeld
Tot de wereld zal vergoon.

Hei luijkes noe bij-ein bedoot uuch vaan d'n angs
Want wat iech uuch vertèlle gaon,
Kump niemes vaan uuch langs.
Binne 'n oor of drei is 't heij mèt us gedoon
Want 'ne profeet dee heet veurspeld
Tot de wereld zal vergoon.

't Geit dondere en blikseme, de maon verluis häör leech
'ne komeet dee kump in bótsing
Mèt d'n tore vaan Mestreech.
D'n ellentrik geit oet, dee heet zien taak volbrach
De lempkes vaan d'n Dominicain
Zien duuster wie de nach.

De ingele stoon gereid op alle heuk
De doeie stoon oet hun graver op
En rammele mèt hun kneuk.
't is e leve, e kabaal, e lewèj dao ao zoe groet
En mennegein geit mèt 'ne verruilde
kop de tösse-n-oet.

't Hiele minsdom is beij-ein al in de zaol.
Dao hèlt 't dal vaan Josufat
Zie ganse tribunaol.
St. Pieter steit gereid, de weegsjaol in de hand
En wat geer höb misdoon,
Dat bringk heer uuch aon 't verstand.

't Ierste kump noe Eva vaan eus allemaol.
Dao huurt geer de vrouwe
Rope al in de zaol.
't is allemaol dien sjöld, diech bis eus ongelök
Veur wat höbs diech in 't paradies
Deen appel aofgeplök

Aw nönnekes kwezelkes kaome in 'ne gansen tróp
Meh ze kaome toch neet weier
Es de gouwe stóp
Wat dach geer zeet St Pieter tot geer heij binne kós,
Geer zeet pas braaf gewore
Wie't geer geine mie kriege kós.

En de jonges vaan Mestreech die kaome aongehos
En toen St Pieter hun zaog,
Sjoot heer op hun los,
Komp binne reep heer hiel hel, eur pläötskes stoon gereid,
Want zaoleg zien die doorste
Nao de iewege zaolegheid.