Refrein:

't Is weer tied, ’t is weer tied
Veur eederein mèt vastelaovesblood
't Is weer tied, ’t is weer tied
Dae krieg in ins weer gooje mood
't Is weer tied, ’t is weer tied
Gelökkig is ut weer zowiet
In oos Limburgs vastelaovesriek
Belaeve veer dae sjoone gekke tied

Miene wintjerslaop dae zit weer drop
Ich veul mich helemaol top
Lekker oetgerös staon ich weer klaor
Veur ut sjoonste fees van ut ganse jaor
Vastelaovendj is weer hiej dus bön ich d’r auch weer biej

Miene hertslaag dae sjuut flink omhoog
Mer det is neet erg jao det moog
Veur un paar daag is det bès gezondj
Amezeer uch mer maak ’t neet te bontj
Vastelaovendj is weer hiej dus bön ich d’r auch weer biej