Refrein:
't Is wêr vasteloavend bei os in g'n sjtad.
Kom, loat os wêr zinge, in os Limburgs plat.
Joa, mit vasteloavend, dan motte v'r droët,
dan bliet hei in Limburg gee miensj in de boëd.

Joa, carnaval in Limburg, dat is de sjunste tiëd.
Dan hant v'r toch ging zurge, die zint v'r dan waal kwiët.
D'r opa sjnapt zich oma, vuur e dänske op d'r vloer.
Joa, alles danst en sjoenkelt en dan zingt 't ganse koer :

V'r motte ummer werke, dat is noe eemoal zoë,
en v'r loate os nieks merke, doa is nieks aa te doë.
Alling mit vasteloavend, dan zint v'r eege baas,
went vier os bont verkleeje, mit 'n groëte rooje naas.