Oos Sjömmert is ei dörpke,
dat lik ós aan et hart;
de witte boerderiekes
zin óngeróm getard.
Zèts doe dich op et luifke
mit riestevla en kook,
dan mós te 's aoves oetgaon
mit taar aan de brook.

Refrein:
Taarbreuk van Sjömmert
zin veer groot en klein,
zinge en springe
gezèllig óngerein;
viere Vastelaovend,
houwe op die tróm;
Taarbreuk van Sjömmert,
tsjien-boem - ta-ra-bóm.

Oos Frenske waor ei jungske,
dae hauw ei maedsje leef;
doe zag er taenge Treeske:
Hie bèn ich, estebleef.
Ze ginge same wandele
en in enne sjtille hook
sjting Frenske häör te peune
mit taar aan de brook.
Refrein:

Noe zin die tórtelduufkes
al jaore lank getrouwd;
en dat haet Frens en Treeske
gein ougeblik berouwd.
Dao kaome auch väöl kinger,
ein lik nog in den dook,
mè zeve angere loupe
mit taar aan de brook.
Refrein: