Op ein aafspraok kóm ich soms waal èns te laat
en dao is dan ouch ech nemes mit gebaat.
Die vrèkde oer die brink mich dèks van sjlaag,
ich verheug mich daoróm ummer op die daag.

Ich zauw zoa gaer èns weite wie dat kènt,
met ich bèn d'r óngerhandj al aan gewènd.
Jao jeder jaor zoa óm dezelfde tied,
dan bèn ich mien ritme kwiet.

Refrein:
Taenge dae tied dat dae tied is aangebraoke,
taenge dae tied dan is 't hie weer tied.
Veer höbbe dan de tied aan ós eige,
en höbbe drie daag lank gein benul van tied.
Taenge dae tied dat dae tied is aangebraoke,
zeen ze mich ein paar daag kwiet.