Refrein:
Ze toête en ze blaoze uch
de oeere vanne kop
Good vals, met och det heurtj dur beej
waat gieegut dur toch op

De leste vastelaovundjdaâg stieet hieel de Mêrrentj op springe
De Hermeniekes trekke dan, kriêge de stad aan 't zinge
Meziek van alle kânte met 't vaandel gruuets vuuerop
Di-j Wieërter muzikânte zette alles oppe kop

De Börstels en de Verkusköp gaon uch uw wat laote kieke
De Örtjes en de Kroêkestöp de Klöppels en auch de Wiepkes
Waat es det toch 'n drökdje met di-j minse aane kânt
Waat jaorelângk neet lökdje heltj de Vorst noow good in stând

Ze kriêge broeed met huidkiees op, 't vôllek det blieft aon 't kake
'n tas met heite ertesop, det zal de Vorst zieeker smake
De hermeniekes spuuele en de minse zeenge mej
Vôl dorst zoee-as vueele det hieet Zjang en tante Mi-j

De Duuvels staeke oeeze Rog dea dan in brand weurtj gestoeeke
De hermeniekes spuuele nog, toch hieet de Vorst aafgesloeete
De Preens verdwientj nao boeeve, want hae hieet zien best gedaon
Mer dörftj neet te belaeve dette recht nao hoees zal gaon