Eder waek kumse ós taege, in ein kroeg of de kafee.
Glaas weer vól nao eine laege, want waem A zaet, zaet ouch C.
Is d'r ouch mer get te vere, den zeen wae van de partie.
Want 't kan ós echt neet dere, jao, samezeen, det maaktj ós bliej.

Refrein:
Toet oppe baom, zulle wae gaon.
Kóm blief toch neet sjtil sjtaon.
Toet oppe baom, zulle wae gaon.
Want 't is nog neet gedaon.
Toet oppe baom, zulle wae gaon.
Oze tied wäördj neet verdaon.
Want mèt fieëste en tampieëste,
kriege wae neet gedaon.
Want mèt fieëste en tampieëste,
zeen wae neet te versjlaon.

Fieëste zulle wae neet verlieëre, want 't laeve is mer kort.
Bachus haoje wae in ieëre, wae zeen konsjtant oppe hort.
Amuzasie is oos motto, waat der verder ouch gebäörtj.
Eine daag mit inkel zorge wäördj vanne k'lender, aafgesjäörtj.