Tröat nog ins aeve op dien toet!

Tekst: 
Sjef Diederen
Muziek: 
Sjef Diederen
Artiest: 
Sjef Diederen
Plaats: 
Hoensbroek

Refrein:
Toet nog 'ns aeve op dien tröat, tröat nog 'ns aeve op dien toet.
Toet nog 'ns aeve op dien tröat, tröat nog 'ns aeve op dien toet.
En sjpeel nog ins van hoempapa, van hoempapa, van hoempapa.
En sjpeel nog ins van hoempapa, van hoempa, hoempa, hoempa, hoempapa.

De zate hofkapel trok bie os doer de sjtroat.
Ze sjpeelde allemoal aeve vals en lepe oet de moat.
En achteraan leep Lexis, mit zien groete bombardon.
Hae bloos neet mit en doarom reep 'n vrouw van 't balkon:

Hae woar mich toch zoeë zaat en koos neet good mieër goan,
want om de twieë, drie meter most'er blieve sjtoan.
Dan sjtong 'r doa te zweije en te waggele op zien bein.
De kinger sjpronge om 'm haer en zonge dit refrein:

Waem zoat doa de göat te sjloape wie 'ne os ?
D'r Lexis mit zien bombardon, want die leet hae neet los.
En of de luuj noa zagte: sjloape mooste in gebed,
't is mer eenmoal carnaval, koom doog nog eive mit.