Mit carnaval dan kiekt me echt, hei nit noa rang of stjand;
van de “Oakerstroat” tot “Op de Vos”: zingt gidder hand in hand.
Es vuur os amusere gont, doon dan besjlist ins mit;
ich gef uch dan de zieëkerheed: dat geer och gauw zingt dit.

Refrein:
Treebeek - mie - Treebeek, viert weer carnaval.
Want Treebeek - mie - Treebeek, geet mich boave al
Doa is joebel - troebel - veuel vermaak,
doa lach-ste dich kapot; dat alles kraak(t)
Want Treebeek - mie - Treebeek viert weer carnaval.

En komme dan die drei dol daag, woa gekheed triomfeert;
en al is me dan e kierke zaat: dat ginne dan sjeneert.
Want carnaval mit e gleaske beer, es dat bei os nit wuur;
zoe'n traditie in os Limburgs land: doa doont vuur alle vuur.