Refrein:
Trek de kaffees in, in Borghare, gaank de kaffees in en oet.
Trek 3 daog trop oet in Borghare, how op d'n trommel, bloos mer op d'n toet.
Want 'nne echte Hareneer, dee helt vaan lol en väöl plezeer,
en daorbeij 'n lekker gleeske sjuimend beer.
Trek de kaffees in, in Borghare, en maak 3 daog laank plezeer.

Tösse Maos en 't kanaal, daor zuuste alle maskes danse,
Vaanaof de stuw tot in d'n daal, is 't ein en al kebaal.
Loer al de luij, zo hosse door de straote, mèt in hun han 'n lekker gleeske beer.
Want al de hoezer zien noe toch verlaote, mèt vastelaovend make veer plezeer.

Eeder jaor, zeet mer gerös, kump geer us weer in Haare tege.
Uzzen doors is zoe geblös, reken mer tot iech get lös.
Sjöt noe mer in, laot noe dee kraon mer loupe, 't is carnaval en eederein is bleij.
De kastelein kin noe weer verkoupe, nao asselgoonsdig is 't weer veurbeij.