Refrein:
'n Aaj vrouw in 'n design kantoor,
Kermis in de raegen.
'n Dela-kies krieg de zaegen,
in 'n laeg kirk van eine trillende pesjtoor.

El Condor Passa in de winkelsjtraot,
'ne nate hóndj ziene baas is kwiet.
Zo'n foto en allein maar sjpiet,
idder vlam veur elke ónbekende sjeldaot.

Trieste dinge, rake mich in de boek.
Trieste dinge, trekke aan det loek.
Van waat ich weet, maar lever neet, wil zeen.

'n Aafgesjlaote failliete fabriek,
'ne zate directeur op 'n bezaope groot gazon.
'n Laeg wienfles op un laeg sjtation.
Weer zo'n kiendj in de gezet, waat weer zo kiek.

'n Jachhave in 't najoar,
in det book dae eine regel.
'n Hoer van viefteen veur eine sjpegel,
häöre kloteklantj kump altied klaor.

Trieste dinge, rake mich in de boek.
Trieste dinge, trekke aan det loek.
Van waat ich weet, maar lever neet, wil zeen.

Maar det maedje op dae fiets, det lachde taege mich.
En det menke in det beutje keek mich aan mit zo'n straolend blie gezich.
En de raegen kins se danse, 't is neet allein maar naat.
In de sjnee kins se sjanse, al is nog zo kaad.
Soms liek 't ganse laeve, allein maar 'n lange rie lieke.
Ich haop det 't mich altied blief gegaeve,
óm ouch nao d'n angere kantj te kieke.