Refrein:
Mie kink numt mig op sjleeptouw, de bonte golve durg.
Ut loodst mig durg d'r sjturm hin, al bin ig nog zoeë murg.
Ut bake weëd verzat noe, un woarheed wie ing kow.
Mie kink is hüj d'r cap'tn, en ee mit vöël kamauw.
Mie kink is hüj d'r cap'tn, nog sjtrenger wie mien vrouw.

Ig bin neet d'r sjtuurman heij op mien ege boot.
Ig dobber heij gans sjtuurloos, in dizze gekke vloot.
En wil noa mien have en doa vuër anker goa.
Mie ketelbinkie reup dan: ' Doe bliefs beij mig heij sjtoa !'

En wiejer geet de tog dan, vuëroeht in volle vaart.
Ig mot hüj bakzeil hoale, umdat ut mig neet sjpaart.
Terwijl hét doa kompas kiekt en ig de stjerre zien.
Dat kink dat blieft mar durggoa, tog van d'r pap missjien ?

Laatste refrein:
Ig num d'r pap op sjleeptouw, de bonte golve durg.
Ig loods um durg d'r sjturm him, al is heë nog zoeë murg.
Ut bake weëd verzat noe, un woarheed wie ing kow.
Want ig bin hüj d'r cap'tn, en mit gans vöël kamauw.
Want ig bin hüj d'r cap'tn, nog sjtrenger wie zieng vrouw.