Truuk in d'n tied

Tekst: 
Frans Boermans & Gregor Theelen
Muziek: 
Frans Boermans & Gregor Theelen
Artiest: 
Christel v. Rijn, Marlie Boermans & Lottie Boermans
Plaats: 
Venlo

Wannier ik smeis door Venloos straote dwaal.
Dan druim ik gaer van de riddertièd.
Waat mich umringk vergaet ik dan totaal.
en 't noow en heej bin ik dan efkes kwiet.
Dan zeen ik mich als middelieuwse vrouw.
Aan de waterput, zoeë wie det toen dan waas.
Aan 't spinneiwel of aan 't waefgetouw.
Of ik doon de was in 't water van de Maas.

Refrein:
Kwaam ik meschien te laat op aerd,
det waas mich waal 't weite waerd.
'k Dingk det de mins gebaore wuurt,
juus in de ieuw die beej um huurt.
Ik bin maar bliej det ik toen neet,
in de riddertièd mien laeve sleet.
Want waas det waal, net wieste zaes,
dan waas ik noow d'r neet gewaes.

Smeis zeen ik mich te paerd door Venlo gaon,
met mien gevolg as jónkvrouw van 'n kastiel.
Die schoeën kleijaasj, wie zoel die mich waal staon,
zónnen diadeem, gewoeën ein prónkjewiel.
Thoès op de börch zeen ik mich aan de raam,
en zeelsbedreuf pleng ik dao traon nao traon.
As miene prins mich noow maar schake kwaam,
en dan met mich nao vader ab woel gaon.