Twinkel-oëge

Tekst: 
E. Verheijen, J.& M. Hoogers
Muziek: 
Trad.
Plaats: 
Kronenberg

De zôn kumpt op, d'n haan di kreit
't derp zaag noeit zô'n schoëne booremeid
De mingese staon al efkes klaor
de vlegskes hoëg 't broëdspaar van 't jaor

Refrein:
Die twinkel oëge van de boorebroëd
groëte joeks op 't menke zien snoët
Os boorebroeluf deurt de gansen daag
och wat schoën is det wat ik zaag

De Kroënekraan wit wie det môt
det giët preciës wie geej nou allemaol dôt
De Piëlhaas kent die raegels ok
vandaag alliën in baeste bôks en rok

Al drei-kwart iëuw doon weej os baes
de liedjes vlege wiët tot in De Haes
Dit broeluftsfist wie makt zich diek
met os aoj Prinse viere is uniek