Ut hieel jaor lângk doon ich niks ângers dan werreke
Heb allein soeemers as 't kan e paar daag vreej
Ich loup haos daag en nacht met unne slieps um
Mer noow staon ich dan in miên gekke pekske hee-j
Ich bin opeins 'nne angere mins gewoeere
Kal neet mieer oeever wêrrek en auch neet oeever gêldj
Un zakeluk vuuerstel kân mich noow echt neet bekoeere
't Es vastelaovundj, dès in Wieërt e groeet gewêldj

Refrein:
Laotj mich mer gewaere, ich doon noow gek wi-j unne flap
Dit es 't echte laeve, allein diees daag gaon völ te rap
Ich kan mich noow pas echt uutkuuere
Majjae mich heej noow us zeen staon
Dit es 't echt laeve
Ich laot mich noow us lekker gaon

De wage vanne zaak stieet inne garaazje
Dae keumptj dur noow zieeker drei-j daag lângk neet uut
Steltj uch us vuuer det ich zelluf nog zoeej ri-jje
Herstikke zaat en de peliese mich dan zuût
Nein ich bel mich met di-j daag waal unne taxi
En as 't druueg es, dan gaon ich waal te voot
Minse zeetj slûm en kroeptj neet achter 't steûr
Met tevôl alkohol in eur blood

De leste tiêd dink ich steeds beej mien eige
Kom jong, laeftj, want gae laeftj mer eine kieer
Mer onbewusj doon ich alles toch hieel röstig
En gaon ich noeets us lekker aanne zwier
Mer as ich noow dan toch zoee us um mich haer kiek
En âl deeej schoeen Wieërter vrouwluj heej zeen staon
Dan dînk ich: mins 't weurtj de hoeegste tiêd
Um vanaaf noow mer eder wiek-end te gaon...