Refrein :

Ut gelök van Limburg det veuls se hiej metein
Det bringtj ós allemoal biejein
Ut gelök van Limburg, sjteit zoea stevig wiej ein rots
Det is ós provinciale trots
En witj ge dit gelök is neet te koup
Dus Limburg gèn zurg ‘t geit ós noeats oppe loup
Ut gelök van Limburg det sjtroalt d’r hiej van aaf
Mèt vasteloavendj… alaaf 

Couplet 1:

Doe zuus ut euveral
En doe huërs ut aan de kal
Ut kriebeltj in de naas
En ut smaaktj wie ’t altied waas
Det geveul deep van binne, det zitj in ós systeem
Ut vèltj neet te ontkinne want ut is hiej zoea extreem

Zoea sjiek, uniek en bliekbaar ós gegeave
En ut zal vöäral vöär altied blieve leave

Couplet 2:

Ut weartj dèks toegewinsj
Wie se ’t oug bepreuve kins
Doe höbs ut aan dien ziej
En van sjerve weartj ut bliej
Ut is gein toeval, doe dwings ut zelluf aaf
Zoea geit ut hiej noe meistal mosse kieke man wat gaaf

Zoea sjiek, uniek en bliekbaar ós gegeave
En ut zal vöäral vöär altied blieve leave

Brök:

En oug al zitj ut teage, rake wea neet van ós stök
Van de drup noeats in de reage, ein gelök biej ein ongelök