Geer wèt, iech höb unne kenarie in hoes.
Dee flöt z'n leedsjes, al is niemand toes.
Heer zit noe in zien karnevalsrippertwaar,
en ierluk gezag, nein, 't klink gaar neet raar.
Soms moot heer 'ns röste,
mèh daan geit heer weer traon.

Heer flöt 'Miene vogel' en 'De hermenie'.
Soms zingk heer e leedsje, dat kin iech neet mie.
't Mieste zingk heer noe 'De nach is zoe laank',
en tralala, dat maak miech soms kraank.
Soms moot heer 'ns röste,
mèh daan geit heer weer traon.

Refrein:
Vaanaof ein jannewarie, flöt beij us de kenarie,
leedsjes euver de vastelaovend, die heer gans vaan boete kin.
En ouch in febrewarie, flöt dee zelfde kenarie.
Mèh heer stop daomet hiel beslis, es 't asselegoonsdag is.