Liedje oet de Echter Revue van 2001 'Ech, op zien Èngels'

Kiek ich in de speegel es ich dich zeen?
Kiek ich in de speegel van d'n tied?
Waer ich later auch zoa,
of bön ich noe al zoa ?
Woors doe vreuger auch zoa ,
raak ich dich oats kwiet ?

Vader en zoon, lieke opein.
In de genen ligk beslaote
welke waeg se strak mòs gaon.
Welke waeg of welke straote
op welk kruutspuntj, blifse staon ?

Waat zuuse inne spegel esse dich zuus ?
Kiks doe auch in de speegel van d'n tied ?
Woors doe vreuger auch zoa ,
en bön ich noe al zoa ?
Of waer ich later auch zoa,
raak ich dich oats kwiet?