Refrein:
As vastelaovend neet bestónd
En stel, weej waare neet heej gebaore
Waat zoel d’r dan, van Jan en alleman
En van ós heej zien gewaore?
Ós dialek, waat ós verbind
Det hadde weej dan neet gespraoke
En waare weej, vandaag en noow
Heej allemaol neet opgedaoke!

Couplet 1:
Zónder vastelaovend
Hadde weej heej noow vandaag neet zoeë beejein
gestaon
Zónder vastelaovend
Hadde weej as vastelaoveszengers neet bestaon
Dan had ik mien geleefde noeijts gekind
En waas d’r genne joeks, dae alles euverwint
Det is ‘n laeve waat mich gaar neet zint…

Couplet 2:
Zónder vastelaovend
Waas d’r hiélemaol gen kans gekker te doon as dich
Zónder vastelaovend
Rak mien hiéle laeve maar ouk det van dich óntwrich
Want as d’r neemes met de scepter zweijt
En genne mins zich as waat anders haet verkleid
Dan is d’r niks mier waat ós ónderscheidt…

Couplet 3:
En waare weej gebaore in ut weste van ut land
Dan zónge weej neet met de zaagte maar met harde G
En euver al ós leedjes sprook me heej allein maar
schand
Die kwaame gaar neet van dao, maar juus van heej!